Rede Aberta define a súa política xeral como a de ofrecer servizos cun compromiso de manter a confidencialidade, integridade, dispoñibilidade, trazabilidade e autenticidade da información, sempre en estrito cumprimento dos requisitos legais e regulamentarios vixentes.
A Dirección promove o mantemento e a mellora continua dun Sistema de Xestión da Seguridade baseado no Esquema Nacional de Seguridade, asignando todos os recursos necesarios e garantindo o cumprimento das súas medidas de seguridade para fortalecer estes fundamentos e acadar os obxectivos.
A Dirección promove a redución ou eliminación de riscos ou efectos sobre as actividades de Rede Aberta que poderían derivarse de posibles violacións da seguridade, tendo en conta as consecuencias dunha perda de confidencialidade, integridade, dispoñibilidade, autenticidade ou trazabilidade dos activos existentes.
Para acadar estes principios básicos, a Dirección formula anualmente obxectivos de seguridade da información e os supervisa, verificando o seu cumprimento e establecendo as medidas necesarias no caso de que tal cumprimento se vexa ameazado.
